A docencia da ciencia política en España tivo unha institucionalización tardía e condicionada polo franquismo, onde a disciplina estivo subordinada ao dereito e ao ideario oficial. Foi a partir da transición democrática e, sobre todo, nos anos 90, cando se consolidaron os estudos universitarios en ciencia política con graos específicos, departamentos autónomos e metodoloxías propias. En comparación con Europa occidental, onde a disciplina se institucionalizou xa no século XIX, e cos Estados Unidos, cun modelo consolidado desde comezos do século XX, España chega tarde pero con avances notables nas últimas décadas. Hoxe, a disciplina enfróntase ao reto de formar cidadáns críticos nun contexto dixital, interdisciplinar e globalizado.

Palabras clave

Docencia, ciencia política, institucionalización e disciplina.